L'anteriur president dal club da hockey da Tavau Werner Kohler è mort. Sco quai ch'il HCD scriva sin sia pagina d'internet è Kohler mort cun 78 onns suenter in temp pli lung cun problems da sanadad. Kohler è stà president dal HCD dal 1989 fin il 1996. El aveva surpiglià il presidi dal HCD en ina situaziun difficila. Il HCD n'era betg vegnì da sa tegnair en la liga naziunala A ed aveva debits da passa 1 milliun francs. Sut Kohler è il HCD puspè vegnì en pe.
Dal 1996 fin il 2003 ha Kohler manà sco president central la Federaziun da hockey sin glatsch svizra ed er là ha el scrit istorgia: El va per Ralph Krueger sco trenader naziunal. Ses cor ha dentant adina battì per il HCD. Sco commember d'onur ha el demussà vinavant viv interess per il club.
