Cumenzà hai be pitschen l'onn 1995 en ina halla sin l'areal da Gestle a Cuira. Il trio innovativ Badrutt, Brasser e Caluori ha avert ina da las emprimas hallas da raiver en la Svizra ed èn uschia stads pioniers per quest sport. Paul Sennrich ha alura surpiglià la halla dad els trais cun il patratg da far quai mo per dus u trais onns. Uss è l'anteriur inschignier da construcziun da lenn gia dapi 26 onns il manader dal center da raiver.
Ap'n Daun a Cuira – tgi e tge?
-
Bild 1 von 5. Paul Sennrich è il manader dal center da raiver Ap'n Daun. Bildquelle: RTR.
-
Bild 2 von 5. Ils collavuraturs e las collavuraturas mettan novas rutas. Bildquelle: RTR.
-
Bild 3 von 5. Ernst Neeracher è cun ses 90 onns in dals pli vegls raividers che visita regularmain l'Ap'n Daun. Bildquelle: RTR.
-
Bild 4 von 5. Benjamin Bosshard n'è betg mo collavuratur tar il center da raiver, mabain er il victur da la cuppa mundiala sco raivider sin glatsch. Bildquelle: RTR.
-
Bild 5 von 5. Il center da raiver Ap'n Daun curt suenter l'avertura en il bajetg nov il 2015. Bildquelle: RTR.
Da la halla al center da raiver
La halla da raiver è insacura vegnida memia pitschna. Adina dapli spazi è vegni prendì a fit sin l'areal da Gestle, fin che quel è vegnì stgarpà giu. En il quartier che è vegnì construì en il medem lieu, ha alura era il nov center da raiver chattà in plaz. Ed uschia è daventà da la «Kletterhalle» l'Ap'n Daun dad oz.
Mes highlight dals davos 26 onns è franc, cura che nus avain pudì avrir il nov center da raiver.
Ord l'archiv