Siglir tar il cuntegn

Header

audio
Mancanza da medicaments – sfida per apotecas en il Grischun
Or da Actualitad dals 10.11.2022.
laschar ir. Durada: 3 minutas.
cuntegn

Apotecas grischunas Mancanza da medicaments

En Svizra mancan actualmain 2'000 medicaments. Las raschuns per la mancanza èn diversas. Cunquai ch'il squitsch da pretschs saja fitg grond vegnian adina dapli substanzas activas producidas en l’Asia ed en l’India. Ils pli gronds problems da furniziun sajan perquai ina consequenza da la pandemia.

Ch'i dettia magari stretgas da medicaments saja usità, di la presidenta da las apotecras ed ils apotechers grischuns, Monika Fehr. Dentant è la problematica s’accumulada ils ultims trais fin quatter onns. Mancanzas datti en tuttas spartas da medicaments.

Daventà mintgadi

En las apotecas saja daventà mintgadi ch'ins stoppia tschertgar alternativas u consolar la clientella ch'ella stoppia spetgar pli ditg. Bleras giadas han las apotecas indicaziuns cura ch'il medicament giavischà saja puspè disponibel. I dat dentant er cas ch'il furnitur na po betg dir quant ditg ch'i giaja fin ch'il product è puspè disponibel.

Monika Fehr
Legenda: Monika Fehr RTR
Fin uss n'avain nus gì nagins cas nunschliabels – nus avain adina chattà ina soluziun per il client u la clienta.
Autur: Monika Fehr presidenta dals apotechers e las apotecras grischunas

Per part han ins stuì avrir ils magasins dal militar per servir il martgà da medicaments. Tenor Monika Fehr saja la mancanza er ina consequenza dal squitsch da pretschs che saja enorm. Uschia ch'i vegnia pli e pli savens producì en l’Asia ed en l’India. Actualmain n'è betg en vista che la situaziun pudess sa calmar.

RTR actualitad 12:00

Artitgels legids il pli savens

Scrollar a sanestra Scrollar a dretga