En ils gremis communals grischuns èn las dunnas massivamain sutrepreschentadas, quai scriva il Collectiv da chauma da dunnas Grischun en ina communicaziun. En 27 vischnancas, tranter auter a Cuira, na dettia insumma nagina dunna en la suprastanza communala. En 34 vischnancas saja la cumpart da las dunnas sin 20%. Tenor il Collectiv hajan sulet las vischnancas Malans, Masein e San Vittore ina cumpart da 50% dunnas. L'organisaziun appelescha a la populaziun d'eleger quest atun dunnas là nua ch'i saja pussaivel.
