Vi da l'emprim project sa regorda Markus Dünner anc bain. La scola chantunala a Cuira. In project grond cun pliras sfidas. El era da l'avis ch'i fissi meglier da construir in nov edifizi, la populaziun n'ha betg vulì quai ed è sa decidida per ina renovaziun da l'edifizi existent. Suenter che tut la lavur era surmuntada era er Markus Dünner persvas dal nov edifizi.
Tenor l'architect chantunal datti duas chaussa che han da constar per ch'ins possia discurrer dad in edifizi gartegià: Ils utilisaders han dad esser cuntents, pudair viver e lavurar en l'immobiglia e l'edifizi ha da sa far cun l'architectura en l'ambient da la citad. Tar la «Sinergia» è el persvadì ch'ins cha construì in bun edifizi nua che almain 80% da las persunas che lavuran en la chasa èn cuntents.
La «Sinergia» è in zic mes pop che m'ha accumpagnà durant tut il temp.
Sper il «pop Sinergia» datti anc in pèr auters projects che restan a Markus Dünner en buna memoria. Gronds projects sco il nov campus da la scol'auta spezialisada dal Grischun u era projects pli pitschens sco il lieu da regurdanza tar il Waldhaus a Cuira.