Il Grischun è losch dad Armon Orlik – spezialmain las abitantas ed ils abitants da ses vitg nativ. Nus essans stadadas a sentir il puls en il vitg nativ dal nov retg – il di suenter la gronda victoria.
Ins senta: Quels e quellas da Maiavilla èn superbis da lur retg da lutga. E perquai era er il program da la fin d'emna passada cler per blers: Guardar l'ESAF. Tuttina, sche a Mollis tar in public viewing, u classic a chasa sin il canapè.
Ed entant che in e l'autra ha schon fatg la dumengia in viva sin il nov retg da lutga, spetga la gronda festa anc. Lezza cumenza la mesemna, ils 3 da settember, la saira a las 18:00 cun la retschavida dad Armon Orlik a la staziun da Maiavilla. Il cortegi maina lura en il center dal vitg, nua che la festa principala ha lieu. Er RTR è lura da la partida e rapporta en tun e maletg.
Maiavilla festivescha ses lutgaders
E per Maiavilla n'èsi betg l'emprima festa da far per Armon Orlik:
