Il project da transfurmaziun digitala d'Arosa e Lai survegn sustegn dal chantun. La regenza ha approvà ina contribuziun da 2,13 milliuns francs per il project. Quai en il rom da la lescha per la promoziun da la transfurmaziun digitala. Il project cun il num «Arosa Lai – ecosistem (al.digital)» custa en la perioda dal 2023 enfin 2027 radund 6,5 milliuns francs.
Unifitgar las plattafurmas digitalas
Participads a quel èn las organisaziuns da turissem e marketing da Lai ed Arosa. L'optimaziun da datas tranter las duas destinaziuns è il focus da quest project. Actualmain ha mintga destinaziun e mintga organisaziun sias atgnas plattafurmas digitalas. Cun il project duain questas plattafurmas vegnir unifitgadas ed optimadas.