Tar la staziun da viafier d'Arosa hai dà questa notg in grev accident cun ina lingia d'electricitad. In giuven da 25 onns è raivì curt suenter las 04:45 sin ina cumposiziun da trens da la Viafier retica. Latiers saja quel vegnì blessà grevamain entras in culp d'electricitad cun 11’000 volt, sco la Polizia chantunala communitgescha.
Ils pumpiers d'Arosa han salvà il giuven giu dal tetg dal vagun cun ina crana da salvament. Silsuenter è quel vegnì transportà en l'ospital a Cuira. L'accident ha gì per consequenza che dus trens da la Retica han stuì vegnir remplazzads entras bus.
audio
Per tadlar: las novitads da las 11:00
ord RTR Audio dals 05.01.2024.
laschar ir. Durada: 2 minutas 35 Secundas.