A Mustér ha la polizia pudì arrestà dus laders che vegnivan tschertgads per cumond d'arrest en il chantun Turgovia, quai grazia a l'attenziun dad ina dunna a la recepziun dad in hotel.
Ils dus umens hajan concedì enguladitschs a Tusaun ed en il chantun Turgovia, communitgescha la polizia chantunala.
Ils umens eran crudads en egl a la dunna pervi da lur cumportament remartgabel. Cura ch'ella ha vis bischutaria e pusada d'argient tar els haja ella alarmà la polizia. La preda era vegnida engulada a Tusaun.
