Entrond la via naziunala or d'Aschera/Schiers è in'automobilista da 37 onns collidada gievgia da mezdi cun in auto da furniziun. Quel era en viadi sin la via naziunala vers Landquart. L'auto da furniziun è collidà frontalmain cun la vart sanestra da l'auto privat. Quai scriva la Polizia chantunala.
L'automobilista è vegnida bloccada en l’auto ed ha stuì vegnir deliberada dals pumpiers dal Partenz Central. La dunna è vegnida sgulada al ospital chantunal da Cuira. L'automobilist da l'auto da furniziun – in um da 36 onns – è vegnì transportà a l'ospital da Schiers per vegnir examinà.
La polizia chantunala vegn ad intercurir l'accident.