Siglir tar il cuntegn

Header

cuntegn

Grischun Assagl sin bischutaria a Samignun sclerì

L’entschatta d’avrigl eri vegnì rut en en ina bischutaria a Samignun. Ussa han criminalists austriacs chattà ora che l’organisaziun «Pink Panther» è responsabla per quai.

Investigaders da plirs pajais europeics han sclerì ina seria d’assagls sin bischutarias. L’uschenumnada banda «Pink Panther» ha para fatg ils assagls. Sco la polizia austriaca ha communitgà en ina conferenza da medias, sajan en tut 6 assagls sclerids. Quels èn vegnids fatgs en las citads austriacas da Linz, Amstetten, Klagenfurt, Puntina e Kitzbühel sco era a Copenhagen en il Danemarc e, sco gia menziunà, a Samignun.

Nua è il rest dals delinquents?

Sco l’agentura da novitads sda scriva, sa referind sin la conferenza da medias da la polizia, èn set dals 14 probabels delinquents en arrest. Ils auters set vegnian anc tschertgads. Cunter els è vegnì decretà in cumond d’arrest europeic. Il donn total ch’ils delinquents han chaschunà tranter il 2016 ed il 2018 munta a 7 milliuns euros.

RR novitads 23:00

Artitgels legids il pli savens