Siglir tar il cuntegn

Header

In dissegn dad ina entrada en garascha sutterrana cun protecziun dad aua gronda.
Legenda: In dissegn dad ina entrada en garascha sutterrana cun protecziun dad aua gronda. Chantun Grischun
cuntegn

Assicuranza d’edifizis Meglierar la protecziun da privels natirals

I duai vegnir pli attractiv per proprietaris e proprietarias da chasas e terren da construir modificaziuns da protecziun vid edifizis existents. Sco quai che la Regenza grischuna scriva, augmenta il chantun las contribuziuns per mesiras voluntarias. Quellas duain prevegnir a donns tras privels natirals. Uschia vegn il sustegn finanzial da l’Assicuranza d’edifizis dal Grischun (GVG) auzada da 25% sin 40% dals custs imputabels.

Memia pauc success fin uss

Cun questa contribuziun sustegna il chantun dapi l’onn 2018 mesiras vi da bajetgs ch’èn exponids a privels natirals sco auas grondas, lavinas u bovas. Dentant han be paucs fatg diever da quella purschida: Be set dumondas per onn en media dal 2018 fin 2021. Uschia n’è l’effect da prevenziun tenor il chantun betg vegnì cuntanschì. Quai duai midar. Per che pli bleras proprietarias bajegian mesiras da protecziun, ed uschia reducir ils donns, augmenta la regenza las contribuziuns.

Or da l'archiv:

audio
Pajaments GVG per mesiras da protecziun
ord Co e cum dals 26.03.2018. Maletg: Keystone
laschar ir. Durada: 2 minutas 6 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga