Siglir tar il cuntegn

Header

cuntegn

Aua da funtaunas Da tgeninas pon ins baiver?

Otmar Deflorin è in expert sch'i va per aua da baiver. El è chemicher chantunal da Berna e president dals chemichers chantunals. A nus dat el tips da tge funtaunas ch'ins po baiver.

audio
Aua da baiver: Facts & figures cun il funtaner
ord Actualitad dals 27.08.2021.
laschar ir. Durada: 2 minutas 40 Secundas.

I fa bell'aura, bleras e blers van en las muntognas. Ins prenda cun ina buna marenda e buttiglias. Sche quellas èn vidas chatt'ins segir ina funtauna per emplenir quellas cun aua frestga.

Ina funtauna en muntogna
Legenda: D'ina funtauna en muntogna na duess'ins betg baiver l'aua. Keystone

Pon ins baiver tut l'aua?

D'emplenir la buttiglia cun aua d'ina funtauna en vischnanca na saja nagin problem. Quella aua saja gustusa, declera il chemicher Otmar Deflorin. La raschun è che quellas funtaunas vegnan controlladas regularmain.

Attenziun dovri però d'emplenir la buttiglia en las muntognas. Uschia cusseglia Otmar Deflorin da betg stizzar la said cun aua tar funtaunas per animals. Savens han talas funtaunas in uder da gumma.

Ord funtaunas, en in territori nua ch'animals èn vid pascular, na pon ins betg baiver.
Autur: Otmar Deflorin President dals chemichers chantunals

L'aua clera e frestga en ils culms fetschia ina faussa parita. Gist tal'aua possia cuntegnair bacterias ch'ins na vesa betg, per exempel uschenumnadas bacterias fecalas, enconuschentas sco salmonellas. Quellas pon chaschunar mal il venter, schlet u fevra.

In bigl cun in scumond da baiver.
Legenda: Era tar bigls cun si in pictogram, cun scumond da baiver na duess ins betg baiver l'aua. En tals cas baivian ins l'aua sin atgna ristga Keystone

Utensils per tuttina baiver l'aua

Ins sa prender cun ins in apparat per buglir si l'aua e suenter pon ins baiver quella. I dat er buttiglias cun filters spezials, che filtrescha las bacterias.

RTR actualitad

Artitgels legids il pli savens