Siglir tar il cuntegn

Header

cuntegn

Augment da premias Co spargnar raps tar la cassa da malsauns?

Mintg'onn puspè creschan las premias da las cassas da malsauns. Il 2023 en media per 6,4 pertschient sin 294.10 francs tar la segirada da basa en il Grischun. Tuttina èsi pussaivel dad optimar ils agens custs.

Vias da spargnar tar las premias da la cassa da malsauns datti pliras. Malgrà che la prestaziun sto esser tar la segirada da basa tar mintga cassa tuttina, datti differenzas da custs. Ina pussaivladad è pia da cumparegliar las cassas. Sin paginas sco comparis.ch èsi pussaivel da dar en las datas persunalas e da cumparegliar ils custs da tuttas cassas da malsauns.

audio
Tips e trics: co spargnar premias per las cassas da malsauns
ord Actualitad dals 28.09.2022. Maletg: Keystone
laschar ir. Durada: 5 minutas 31 Secundas.

Tge far per spargnar? Giugar cun la franschisa

La franschisa è l'atgna participaziun vid ils custs da sanadad. Cassas da malsauns offereschan adina pliras franschisas. Per persunas creschidas da quellas da 300 fin tar 2500 francs ad onn. Per uffants è ella tranter 0 e 600 francs

La regla è simpla: Las franschias amez èn quasi mai las endretgas per creschì. La pli auta franschisa renda spezialmain tar bass custs da sandadad, per regla sch'ins dat ora pli pauc che 2000 francs per la sanadad ad onn.

Sch'ins dat ora dapli che 2000 francs ad onn, vegn cusseglià da prender la pli bassa franschisa.

Exempels concrets

Co sa ina famiglia da Cuira cun 2 uffants pitschens spargnar tar la segirada da basa? Nus avain fatg la cumparegliaziun sin la pagina d'internet comparis.ch. Las duas persunas creschidas han la pli auta franschisa da 2500 francs ed ils uffants la franschisa minimala da 0 francs. En l'offerta, la pli favuraivla paja l'entira famiglia 586 francs al mais per la segirada da bassa. Rut gì èn quai 213 francs per persuna creschida ed 80 francs per in uffant.

Sch'ins cumpareglia las differentas cassas da malsauns dat en egl che la discrepanza da custs è gronda. I dat era cassas nua che la famiglia pajass 700 u 800 francs. E tar singulas cassas perfin sur 1000 francs al mais.

Tgi che vul midar cassa da malsauns sto far quai enfin ils 30 da november. Fin lura èsi numnadamain da visar il contract tar la veglia cassa.

RTR actualitad 11:15

Artitgels legids il pli savens