La Confederaziun avertescha sin ses portal per privels natirals da ferms vents en parts da las Alps ed en il Giura. Fin questa saira saja da quintar cun suffels dad enfin 130 kilometers l’ura en lieus exposts. L’avertiment valia per la regiun d’Adelboden en direcziun ost fin il Liechtenstein.
En la Val dal Rain saja da quintar cun suffels dad enfin 90 kilometers l’ura. Per las regiuns pertutgadas valia in privel considerabel, stgalim 3. I saja da quintar cun plantas che derschian e roma che rumpia giu. Perquai recumonda la Confederaziun dad evitar guauds e plantas.
Il motiv per ils ferms vents è la zona da pressiun bassa «Domingo». Quella passa gist tras il nord da l'Europa e procura per ferms vents.
