Ils dis da festa entschaivan cun plitost pauc sulegl en tut il Grischun al venderdi sontg. I dat bleras nivlas, pauc sulegl e forsa era plievgia u naiv. Fin sonda datti alura differenzas tranter las regiuns:
- En il Grischun dal nord (Partenz, Val dal Rain) èsi per la gronda part nivlus e i dat pauca naiv fin giu sin 1000 meters sur mar.
- En il Grischun Central, en la Surselva ed en l’Engiadina datti in vi ed ennà tranter bleras nivlas ed in tic sulegl. Dentant nagina naiv e nagina plievgia.
- Ed en las valladas dal sid èsi fitg sulegliv.
video
L'aura sur Pasca
Or da Telesguard dals 06.04.2023.
laschar ir. Durada: 39 Secundas.
Dumengia e glindesdi vegni ad esser dapertut in tic pli amiaivel, vul dir era en il Grischun dal nord. Las temperaturas sa midan sur ils dis da festa adina puspè. A Cuira vegni ad esser 11 grads il venderdi e glindesdi alura 18 grads. En il sid, a Roveredo èsi venderdi er 11 grads e glindesdi 21 grads.