La presidenta dal Cussegl naziunal Maja Riniker ed il president dal Cussegl dals chantuns Andrea Caroni visitan Glion. Sin il viadi, accumpagnà tras musica e culinarica, visitan els mintga regiun linguistica da la Svizra. Gievgia èn els stads a Glion per sa barattar cun la populaziun e mangiar tschaina.
Impressiuns da Glion
-
Bild 1 von 5. Bildquelle: RTR.
-
Bild 2 von 5. Bildquelle: RTR.
-
Bild 3 von 5. Bildquelle: RTR.
-
Bild 4 von 5. Bildquelle: RTR.
-
Bild 5 von 5. Bildquelle: RTR.
Il program dals dus represchentants
A las 13:00, suenter la fin da las radunanzas da la Gievgia a Berna, hai gì num per ils dus da cumenzar il viadi a Glion. Maja Riniker ed Andrea Caroni èn vegnids beneventads dal president communal Marcus Beer en la curt interna dal Museum regiunal Surselva. Là ha gì lieu la scuntrada cun la populaziun, nua che las persunas preschentas han pudì far directamain dumondas ad ils dus.
Suenter l'occurrenza publica èn els ids en l'ustaria «Casa Casutt». Là ha Maja Riniker preparà la tschaina cun uffants e giuvenils da la regiun. Andrea Caroni ha exercità per ina preschentaziun musicala era cun giuvenils locals.
Il rumantsch stat en il focus
Maja Riniker è stada l'onn passà vicepresidenta dal Cussegl naziunal sut Martin Candinas. Tscherts pleds rumantschs èn restads da quest temp. Era la Lia Rumantscha è stada sin il plaz. Uolf Candrian ha tegnì in pled sur dal rumantsch, nua ch'el discurriva mo per part tudestg. Riniker e Caroni han chapì la pli gronda part, damai ch'els dus discurran era talian.
Igl è ina onur per mai che jau hai dastgà represchentar cun la vischnanca da Glion la part rumantscha da la Svizra.
Per Marcus Beer, che ha cumenzà sia allocuziun era per rumantsch, saja stà in fitg grond plaschair ch'el ha dastgà beneventar ils giasts a Glion.