Igl è l'emprim pass envers ina flotta d'autos da posta neutrala al clima. Il glindesdi cumenzan quatter bus electrics a charrar tranter Cuira e Ragaz Bogn. Quai annunzia il post da media d'Auto da Posta. Ils bus electrics hajan plirs avantatgs:
- els pon ir cun energia or da funtaunas regenerablas – cun quai charreschan els senza chaschunar emissiuns
- els èn pli quiets, è na disturban betg uschè fitg abitantas e passagiers
- els accelereschan pli svelt, e fan pli punctual il traffic public
Las batterias dals bus pon vegnir chargiadas a Trimmis, a la staziun Trimmis-Vaz-Sut ed a Landquart. A Ragaz Bogn duai anc dar ina ulteriura staziun da chargiar.
Legenda:
La staziun da chargiar a Trimmis-Vaz Sut cun in uschenumnà Pantograph.
Auto da Posta
Las staziuns da chargiar vegnan bajegiadas tenor la communicaziun da medias da Repower. Uschia stettia la creaziun da valur en il chantun.
En l'entira Svizra vegnan fin 2025 introducids 100 bus electrics. Il pli tard 2041 duain tut ils autos da posta charrar a moda favuraivla al clima, scriva AutodaPosta.