Enturn las 7 èn collidads in bus, dus autos da furniziun, in auto da persunas ed ina moto – sin il vial tranter las sortidas Cuira Nord e Cuira Sid. En consequenza hai dà lungas colonnas en direcziun Cuira, tant sin l’autostrada sco era sin la via chantunala. Per passa duas uras è l’autostrada en direcziun sid stada serrada, e la polizia da la citad da Cuira ha manà tut il traffic d’untgida tras la chapitala.
Il manischunz d’in auto da furniziun ed ina persuna en il bus sajan vegnidas blessadas, communitgescha la polizia chantunala. Duas ulteriuras persunas han sa laschar controllar tar in medi.