Ier suentermezdi hai dà sin l’autostrada A13 a Landquart ina collisiun tranter in auto ed in camper. Curt avant las 15:00 uras ha ina automobilista surpassà il camper. Durant questa manevra ha ella pers la controlla sur l’auto ed è collidada l’emprim cun la saiv da segirezza e silsuenter puspè cun il camper e la finala anc ina giada cun la saiv directiva.
L’automobilista e sia figlia èn vegnidas transportadas cun levas blessuras en l’ospital. Il traffic è stà impedì per passa duas uras e mesa.