Siglir tar il cuntegn
Inhalt

Grischun Avertura dals pass grischuns

Fin ussa èn anc tut ils set pass grischuns che han serrà d'enviern – anc serrads. L'avertura è planisada e sche las temperaturas restan uschia ed i na vegn betg pli a naiver, restan las datas sco previsas.

Grafica cun avertura dals pass grischuns ch'èn serrads l'enviern.
Legenda: Survista davart l'avertura 2018 (cifras cotschnas) e l'avertura dals pass ils onns passads (cifras nairas). RTR, Grafica

Set pass grischuns èn mintg'onn serrads sur enviern. Qua las datas da las averturas planisadas:

  • Pass da l'Alpsu – 27 d'avrigl
  • Pass dal Spleia – 27 d'avrigl
  • Pass dal Flüela – 1. da matg
  • Pass da l'Umbrail – 20 da matg
  • Pass da l'Alvra – 25 da matg
  • Pass dal S. Bernardino – 25 da matg
  • Forcola di Livigno – termin anc betg enconuschent

En cumparegliaziun cun ils onns passads è l'avertura planisada pli tard. Be il pass da l'Umbrail ed il Pass dal Flüela vegnan tenor plan averts sco ils ultims onns.

Il mument fa il SLF quint cun dus fin trais meters naiv sin las vias dals pass che èn 2'000 meters sur mar. Questas massas da naiv èn responsablas per il retard da circa in'emna.

Per la Forcola di Livigno n'è la data d'avertura anc betg planisada. Normalmain avra la Forcola di Livigno l'entschatta da zercladur.

RR actualitads 08:00