La fin da mars 2023 fineschan las periodas d'uffizi dals cussegliers da banca Christoph Caviezel e Michèle F. Sutter-Rüdisser. Sco la regenza grischuna scriva, ha ella prolungà lur mandats mintgamai per quatter onns fin il 2027.
Christoph Caviezel è dapi il 2015 en il cussegl da banca da la Banca chantunala grischuna dapi l'onn passà è el vicepresident da quest gremi. El è cussegliader d'interpresas independent e posseda ina patenta d'advocat. Michèle Sutter-Rüdisser è dapi l'onn passà cussegliera da banca . Ella è professura d'economia a la School of Management da l'universitad da Son Gagl.
Il cussegl da banca è l'organ il pli aut da la GKB, el consista or da set persunas e prenda las decisiuns strategicas da la banca. La regenza chantunala tscherna ils commembers e las commembras.
