Siglir tar il cuntegn

Header

video
La BCG fa in gudogn da record
Or da Telesguard dals 10.02.2023.
laschar ir. Durada: 1 minuta 29 Secundas.
cuntegn

Banca Chantunala Grischuna Gudogn da record, dentant tschains bass per contos da spargn

Avant 3 onns 181 milliuns franca gudogn, avant dus onns 203 milliuns e l'onn passà è schizunt stà in onn da record. Sper las bunas fatschentas cun las investiziuns e cun il provediment per la vegliadetgna, saja la fatschenta da credit stada impurtanta quest onn, di il CEO Daniel Fust.

Malgrà ils gronds auts gudogns. En il mument survegnan clientas e clients da la Banca chantunala grischuna 0.3% tschains sin il conto da spargn. Daniel Fust, CEO da la BCG, manegia ch'i vegnia probabel anc a dar in augment, dentant betg in marcant. Era tar autras bancas è quest tschains bass.

Las cifras distinctivas:

Avrir la box Serrar la box
  • gudogn dal concern: CHF 207,5 miu. / +2,3%
  • resultat da fatschenta: CHF 218,2 miu. / -5,2%
  • novs daners da clients: CHF +1,6 mia. (onn precedent: CHF +1,7 mia.)
  • emprests a la clientella: CHF +1,2 mia. / +5,6%
  • volumen da la fatschenta: CHF 69,3 mia. / +8,7%
  • relaziun da custs e d'entradas I: 48,3%; relaziun da custs e d'entradas II (incl. amortisaziuns): 51,9%

La banca chantunala ha fatg l'onn passà in gudogn da record da 207,5 milliuns francs – in plus da 2,3% cumpareglià cun l'onn 2021. Quai ha communitgà la banca. Quest bun resultat saja grazia al bun onn d'investiziuns dal 2021. L'onn da gestiun 2022 ha la banca pudì augmentar danovamain il gudogn cun la fatschenta da credit e da deposits.

Daniel Fust, CEO da la BCG, focussescha per analisar il resultat cunzunt la prestaziun dal commerzi:

Nossa fermezza d'acquisiziun è remartgabla. Las unitads commerzialas han acquirì in volumen da fatschenta da 2,9 milliardas francs.
Autur: Daniel Fust CEO da la BCG

Cun acquists supplementars saja reussì ad els d'amplifitgar il volumen da la fatschenta per 6,2 milliardas francs.

Chantun ed investiders profiteschan

Da quest resultat profitescha er il chantun Grischun – quel survegn 92,8 milliuns francs. E las investidras ed ils investiders survegnan ina dividenda da 42 francs e 50 raps per scrit da participaziun.

Bunas prognosas per quest onn

Las prognosas per l’onn current sajan positivas. La BCG quinta quest onn cun in gudogn da radund 210 milliuns francs. La banca chantunala quinta che la Banca naziunala svizra augmentia vinavant a moda moderada il tschains directiv. En pli quinta la BCG cun ina leva schluccada tar l'inflaziun.

audio
GBC preschenta cifras 2022 e sguarda en il futur
ord Actualitad dals 10.02.2023. Maletg: Keystone
laschar ir. Durada: 2 minutas 14 Secundas.

RTR novitads 08:00

Artitgels legids il pli savens