Siglir tar il cuntegn

Header

cuntegn

Banca chantunala Grischuna Pascal Pernet daventa nov commember da suprastanza

A partir da l'entschatta d'avrigl 2023 daventa Pascal Pernet manader da l'unitad da fatschenta da martgads, la pli gronda partiziun da la Banca Chantunala Grischuna cun radund 500 emploiads. Cumenzar a lavurar tar la banca chantunala vegn el gia il schaner. Pernet succeda uschia a Thomas Roth che va proxima primavaira en pensiun, scriva la banca en ina communicaziun.

purtret da Pascal Pernet.
Legenda: Pascal Pernet è naschì il 1973 a Sent, ha fatg il gimnasi a l'Institut Otalpin a Ftan e suenter studegià economia a Son Gagl. El discurra vallader e viva actualmain cun sia famiglia a Turitg. Banca Chantunala Grischuna

L'Engiadinais ha 49 onns, è naschì a Sent ed ha studegià economia a l'Universitad da Son Gagl. Silsuenter ha el lavurà en differentas funcziuns-clav. Sco ultim ha el lavurà tar LGT Capital Partners, quai en il management da facultads e clients.

audio
Per tadlar: las novitads da las 10:00
ord RTR Audio dals 03.08.2022.
laschar ir. Durada: 2 minutas 45 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga