Siglir tar il cuntegn

Header

Navigaziun

cuntegn

Banca Chantunala Tschains negativs sin ipotecas?

La Banca Chantunala Grischuna paja raps a singulas interpresas privatas, sch’ellas prendan si in credit ipotecar. Quai rapporta il Tagesanzeiger.

Il post da medias da la banca cunferma quai envers RTR: «La Banca Chantunala Grischuna applitgescha tschains negativs tut tenor situaziun da refinanziaziun actuala per clients instituziunals cun grond basegn da finanziaziun a curta vista.»

Tge significa quai precis? Fact è: Quel svilup pudess avair consequenzas per nus tuts en avegnir.

Pli auts tschains dad abitar

Tenor Damian Gliott, spezialist da finanzas tar la Vermögens Partner SA, savess quel svilup pertutgar insacura er la clientella privata: Alura pajassan clients privats er in tschain sin ils dabuns. Immobiglias vegnissan dad oz sin damaun in toc pli charas: Il simpel fittader stuess pajar pli auts tschains. La probabilitad valitescha el però sco pitschna.

RR actualitad 08:00