Siglir tar il cuntegn
Inhalt

Grischun Battasendas fan festa: Giubileum da 100 onns

Las 11 secziuns dals battasendas Grischun s'han inscuntradas quest onn a Landquart. Là han ellas festivà la cuminanza gist duas giadas: Tar il champ tradiziunal da Tschuncaisma e tar il 100avel anniversari da lur gruppa.

Legende: Video 100 onns Battasendas en Grischun abspielen. Laufzeit 03:54 Minuten.
Or da Telesguard dals 22.05.2018.

Per ils battasendas è la fin d’emna da Tschuncaisma il highlight da l’entir onn. Lura s’inscuntran numnadamain tut las 11 secziuns dal chantun Grischun al champ da battasendas. Quest onn era quel a Landquart sin il prà da la Ganda.

Battasendas fan durant ina fin d'emna duas giadas festa

Il champ da quest onn era sut l’ensaina da far festa. Per l’ina festiveschan ils battasendas dal chantun Grischun lur giubileum da 100 onns e per l’autra han ils organisaturs dal champ da Tschuncaisma, numnadamain la secziun dals battasendas da Landquart, lur 75avel natalizi.

Legende: Video Ils battasendas dal Grischun a Landquart abspielen. Laufzeit 03:48 Minuten.
Or da Actualitad video dals 20.05.2018.

Tar in champ cun var 300 battasendas gioga la cuschina ina rolla centrala. Mintga secziun cuschina per sias battasendas. Cuschinà vegn da tuttas sorts – da tratgs simpels fin tar tratgs magari pretensius.

RR Telesguard 17:40