Tenor la communicaziun da medias enconuschan 86% dals indigens e bunamain 93% dals possessurs d'abitaziuns secundaras la plattafurma. Quellas cifras sa basan sin ina retschertga che GRhome ha laschà far. Passa 1'200 persunas èn sa participadas a quella la stad da l'onn passa.
Dals total 9'000 commembers da la plattafurma èn 4% activs. Quai saja dapli che quai ch'ins possia atgnamain spetgar d'uschia ina plattafurma, manegian ils responsabels.
Dapli appreziaziun per il turissem
80% dals participants craja a l'avegnir dal turissem en il Grischun, apprezieschan l'infrastructura per il temp liber e vesan il turissem era sco factur d'innovaziun en il Grischun. Ils possessurs da segundas abitaziuns valiteschian il turissem anc pli aut ch'ils indigens.
RTR novitads 14:00 / Telesguard 17:40