Radund 4'500 persunas han visità la fin d'emna l'exposiziun «Guarda» en la Stadthalle a Cuira. Ils resuns sajan stads buns, ha il mainafatschenta da la Stadthalle, Marco Tscholl ditg en la Südostschweiz. Malgrà ch'ins avevia quintà cun 5'000 visitadras e visitaders, e schizunt sperà cun 7'000, sajan ins cuntent e quintia da serrar giu il quint cun in gudogn.
Dals 28 fin ils 30 d'october ha gì lieu la «Guarda» l'emprima giada en la Stadthalle a Cuira. Avant aveva ella lieu tar l'Obere Au, sco sia antecessura la Gehla. Quest onn èsi be ì trais dis enstagl da tschintg dis sco tschels onns. Il focus duaja tenor Tscholl esser la qualitad e na betg la quantitad.
audio
Per tadlar: las novitads da las 18:00
ord RTR Audio dals 01.11.2022.
laschar ir. Durada: 4 minutas 30 Secundas.