-
Bild 1 von 3. La festa da campiun svizzer 2015 cun ils giugaders. Livio Pally (dretg) ha festivà ensemen cun Andres Ambühl ed auters giugaders il titel dal campiun svizzer 2015. Bildquelle: MAD.
-
Bild 2 von 3. Campiuns svizzers 2015. Reto von Arx posescha durant il cortegi tras Tavau cun Livio Pally. Bildquelle: MAD.
-
Bild 3 von 3. La festa en garderoba dal HCD. La victoria dal campiun svizzer 2015 ha Livio Pally pudì festivar cun intgins giugaders en la garderoba dal HCD. Bildquelle: MAD.
In giugader preferì n’ha Livio Pally betg. El è sezs goali en in’equipa da hockey d’amaturs da Trun. Ses emprim autogram ha il giuven da Tavanasa survegnì probabel da Reto von Arx, ma lura è el anc stà in mattatsch.
Dapi ch’el è fan activ haja el pudì festivar sis titels da campiun svizzer cun il club da hockey da Tavau. Insaquants onns fascheva el part al club da fans uffizial. Lura haja el designà sezs bandieras ed el gieva per tut la Svizra enturn a guardar ils gieus. Durant questa stagiun haja el vis sulet 14 gieus, dus da quests durant il ¼ final dals Playoffs.
Il HCD è mia vita
Blau-mellen era en chombra a chasa
Livio Pally, il giuven scrinari da 25 onns, n’è betg mo en halla da glatsch in fervent fan dal club da hockey da Tavau. Era en sia chombra ha el rimnà blers souvenirs da ses club preferì. Sia amia saja stada fan dal HC Lugano, ma ussa sustegn era ella il club da hockey da Tavau.
10 dis senza in gieu dal HCD
Enfin ch’ils mezfinals dals Playoffs cumenzan, persequitescha Livio ils gieus da las ulteriuras squadras. Uschè svelt ch’il proxim adversari da Tavau è enconuschent, organisescha el ils bigliets per ils gieus d’ordaifer. El giavischa che Tavau frunta en ils mezfinals sin Zug ed el final lura sin l'SC Berna. E sa chapescha è il fan blau-mellen persvadì che la squadra dad Arno del Curto festivescha questa stagiun ses 32avel titel da campiun svizzer.
RR actualitad 08:00