Siglir tar il cuntegn

Header

cuntegn

Bregaglia Cussegl communal da nov cun ina dunna

Il suveran da la Bregaglia ha elegì ils 3 da settember il sindaco ed il cussegl communal. Fernando Giovanoli è vegnì reelegì sco president communal. Da nov è Lucia Nusser en il cussegl communal. Ceder sto Gianluca Giovanoli.

En il cussegl communal da la vischnanca fusiunada Bregaglia sesan a partir dal 2024 be pli tschintg commembers, enstagl da set sco fin uss. Da nov fa era part ina dunna, Lucia Nusser. Ella è vegnida elegida cun 435 vuschs. Be il president communal reelegì, Fernando Giovanoli ha gì dapli vuschs, 440.

Plinavant en suprastanza èn:

  • Jon Bischoff, Vicosoprano, 402 vuschs (vegl)
  • Rodolfo Gianotti, Castasegna, 342 vuschs (nov)
  • Ueli Weber, Soglio, 339 vuschs (vegl)

Betg vegnì reelegì è

Gianluca Giovanoli, Vicosoprano, 293 vuschs

Ulteriur candidat è stà:

  • Marco Giacometti, Stampa, 216 vuschs

Plinavant èn vegnids elegids en la cumissiun da gestiun:

  • Rosita Fasciati, 351 vuschs
  • Samuel Salis, 372 vuschs

RTR novitads 18:00

Artitgels legids il pli savens

Scrollar a sanestra Scrollar a dretga