Siglir tar il cuntegn

Header

video
Festival della Castagna en Bregaglia
Or da Telesguard dals 11.10.2022.
laschar ir. Durada: 2 minutas 46 Secundas.
cuntegn

Bregaglia La chastogna è ina pitga per l’economia

Quest mais vegn festivà il «Festival della Castagna». Durant trais emnas datti uschia in’entira retscha d’events e festas che carmalan tant ils indigens sco era ils turists. Per la val è la chastogna dentant dapli che mo folclora. Ella è ina ferma pitga en l’economia bregagliotta.

Radund otg tonnas chastognas frestgas venda la Bregiaglia mintg’onn, la tendenza mussa ensi. L'offerta da products è vasta.

Nus avain conditers che fan turtas u biscuits, ed era ch’els cumenzan a percorscher ch’igl è impurtant da far diever da las chastognas bregagliottas e da las duvrar sco ingredienza. U ch’els dovran era farina da chastognas setgadas. Lura avain nus natiralmain era mazlers che inventan salami cun chastognas fin a quels che produceschan il «Castagniolin», in chaschiel da chastognas.
Autur: Manuela Filli Presidenta da l'Associazin allevaturs da chastognas Bregaglia

Ina giuvna pastiziera che venda divers products da chastognas la Pastizaria Salis a Castasegna. Tranter auter venda ella biscuits, pasta e farina che cuntegnan chastognas.

Durant il festival da chastognas datti natiralmain bler travasch enturn la chastognas. I vegn glieud da tut la Svizra. Ed igl èn amaturs che dumondan products: Ma era en il rest da l’onn vendain nus bleras chastognas.
Autur: Alice Huber Pastizaria Salis

La chastogna na vegn betg mo magliada, mabain era nizzegiada per la cosmetica. A Soglio vegn producì cosmetica, che sa differenziescha da la concurrenza.

La chastogna è fitg buna per nus, perquai che la Bregaglia è enconuschenta per la chastogna e perquai che nus vendain products cun chastognas. Igl è ina sort situaziun «win-win», tant per la Bregaglia sco era per nus.
Autur: Ivo Ermatinger Manader marketing da la Soglio-Produkte SA

Cun il festival da las chastognas profitan era la gastronomia e l'hotellaria da la val. E suenter dat quai anc in aspect betg economic. Ils chastagners che vegnan nizzegiads gia dapli che 2000 onns, embelleschan la cuntrada ed han in effect positiv sin la biodiversitad.

Or da l'archiv

RTR Telesguard 17:40

Artitgels legids il pli savens