La vischnanca da Brusio tschertga in nov president u ina nova presidenta communala. Arturo Plozza ch’è al timun da Brusio cuntanscha la fin da quest onn sia ultima perioda d’uffizi.
Sco la chanzlia da Brusio communitgescha hajan inoltrà fin ils 15 da settember trais persunas lur candidatura per il presidi:
- Della Cà Pietro (PPS)
- Zala Lucio
- Zala Sarah
Ultra da quai ha la populaziun da Brusio er d’eleger a l’urna in nov cussegl communal cun totalmain otg commembers e commembras e dus suppleants u suppleantas. Unicamain en la fracziun da «Brusio Sotto» vegni a dar in cumbat electoral per in dals trais sezs en suprastanza.
La votaziun a l’urna ha lieu ils 29 d’october 2023
