Siglir tar il cuntegn

Header

audio
In pur pertutgà da burnout raquinta
Or da Actualitad dals 30.01.2024. Maletg: RTR
laschar ir. Durada: 4 minutas 3 Secundas.
cuntegn

Burnout tar purs e puras «Jau n'hai betg pli vesì mia Blüamli e Lisa, mo pli vatgas»

Il pur ch'ha gì avant intgins onns in burnout vul restar anonim. Nus numnain el Simon, era sch’el ha en sasez num auter. En la contribuziun da radio vegnan sias expressiuns legidas dad in redactur dad RTR, l’istorgia è dentant reala.

Il process da depressiun da prestaziun

Tar Simon saja quai stà in process latent, pia è el sur onns daventà agressiv per tut e cunter mintgin. El e sia dunna han dapi 25 onns ina puraria. Quai vul dir da lavurar set dis l’emna e cun paucas vacanzas. Vitiers ha Simon anc in'alp, in uffizi en vischnanca, auters posts, bajegia ina stalla vitiers ed in gidanter stagiunal è crudà davent pervia da corona. Quai eran pia plirs facturs ch'èn stads memia bler per il pur enturn 50 onns.

Jau n'hai betg pli vesì mias vatgas en la puraria, betg pli Blüamli e Lisa mabain mo pli ina puraria plain vatgas. Mes tscharvè era co serrà giu.
Pur cun depressiun da prestaziun

Alura è el ì tar il medi da chasa, là s’ha el stuì giustifitgar: quant ch’el haja lavurà per survegnir l'attestat dal medi. Ed enfin ch’els han chattà insatgi che surpiglia la puraria, hai durà in per mais. Pia ha Simon lavurà dus enfin trais mais vinavant, era sch’el aveva la diagnosa d’ina depressiun da prestaziun. Suenter è el ì per trais emnas en ina clinica ed ha suenter puspè lavurà, dentant badà che quai na funcziuna betg.

Ins na sto betg avair il sentiment da viver durant 20 onns sur ils cunfins e suenter drizzar quai en trais emnas.
Pur cun depressiun da prestaziun

Il pur accentuescha che tut quest na fiss betg stà pussaivel senza sia dunna ch'ha gidà fitg. Uss va el anc adina tar in coaching e prenda pli serius ses temp liber. Els empitschneschan lur puraria e dattan giu prads. A dis buns sa senta Simon puspè sco in «Tausendsasa», sco pli baud. A dis nauschs daventa el puspè agressiv, pia l’entir process na saja betg anc finì.

Burnout, Landwirtschaft
Legenda: Il risico d'in burnout è tar purs e puras dubel uschè aut ch'en autras branschas. RTR

Purs e puras èn duas giadas uschè savens pertutgads d'in burnout – pertge?

Set dis da lavur per emna e paucas vacanzas – purs e puras s'identifitgeschan tranter auter era ferm cun lur professiun, perquai ch'els passentan bler temp en la puraria. Da quest avis è era Ricarda Caderas, che lavura sco coach e supervisura. Ella conguala purs e puras era cun managers, cun quai ch'igl è bler squitsch e blera responsabladad.

audio
La raschun da burnout tar purs
ord Actualitad dals 30.01.2024. Maletg: RTR
laschar ir. Durada: 3 minutas 11 Secundas.

Tge che purs e puras na pon betg far è da prender pliras emnas vacanzas l’onn. D’ina vart èsi grev da chattar ina substituziun ed era finanzialmain saja quai in burdi. Il conflict da termins, pia ch’ins avess dad esser en la puraria ed intginas giadas era en in auter lieu, vala era per termins tar medias u coachs. Per exempel sch’in pur u ina pura badan ch’els duvrassan sustegn d’in coach, alura è quai betg simpel da realisar quest termin. Dentant vegnan tuttina adina dapli purs, surtut purs enturn 50 onns, tar Ricarda Caderas. La supervisura da Luven ha sezza ina puraria e chapescha uschia ils dubis dals pertutgads e da las pertutgadas. Tar ella arrivan las persunas avant ch’ellas èn malsaunas u suenter ch’els èn stads en ina terapia psicologica.

Burnout Landwirtschaft
Legenda: Ricarda Caderas è supervisura e coach, tranter auter era per purs e puras. RTR

RTR actualitad 07:00

Artitgels legids il pli savens