Siglir tar il cuntegn

Header

cuntegn

Bus alpin Record en duas regiuns grischunas

L'Uniun Bus alpin ha pudì nudar en sis regiuns svizras in nov record da passagiers e passagieras questa stad. Tranter auter er en las duas regiuns grischunas Pany – Sankt Antönien e Bravuogn – Pass da l'Alvra. Cun passa 125'000 passagieras e passagiers han ils bus alpins puspè transportà dapli glieud suenter che las cifras eran idas enavos durant la pandemia da corona.

Tenor la communicaziun da l'uniun è stada la stad passada uschia la segund meglra dapi ch'i dat la purschida che promova il traffic public en las regiuns muntagnardas. L'enviern na curseschan nagins bus alpins en Grischun, dentant en set autras regiuns.

Bus alpin

Avrir la box Serrar la box

L'uniun naziunala Bus alpin porscha colliaziuns en destinaziuns d'excursiun en 19 regiuns da muntogna svizras. En collavuraziun cun exponents locals collia l'uniun uschia lieus ch'eran ditg be cuntanschibels cun autos privats.

Las purschidas da Bus alpin na profiteschan betg da subvenziuns publicas.

Purschidas en il Grischun:

  • Alp Flex
  • Bravuogn – Pass da l'Alvra
  • Beverin
  • Greina / Valle di Blenio
  • Pany – Sankt Antönien

Or da l'archiv:

video
Bus Alpin
Or da Telesguard dals 06.11.2008.
laschar ir. Durada: 2 minutas 15 Secundas.

RTR novitads 09:00

Artitgels legids il pli savens