Baristas experimenteschian gugent cun differents single origins – vul di cun fava da café che deriva be dad ina tiara, di la barista da café Badilatti, Diana Bassin. En pli vegnia utilisà be fava d'arabica, uschia ch'il café cuntegnia en emprima lingia aromas da fritgs sco per exempel acid da maila. «Ed en intgins cafés vegn er purschì be singulas scadiolas café da filter.»
Maschinas – responsablas per il schlet renum
Oz vegnia il café da filter fatg a maun e betg pli cun maschinas. Gist las maschinas èn tenor Diana Bassin il motiv per sia schleta reputaziun. «Per part vegn fatg il sbagl en ustarias, ch'ins cuschina per exempel dus liters café e lai lura quel sin la platta chauda.» Tala vegnia lura stgaudada sur lung temp e ferm, lura sa schlian las substanzas pitras en il café. Pli tard ch'ins baivia il café e menders ch'el saja. «Jau pos m'imaginar che la schletta opiniun davart il café da filter vegn da là», suppona Bassin. Ch'ins na sa betg propi co far bun café da filter ha pia ruinà sia reputaziun. Vitiers vegnia ch'el na saja betg fatg uschè spert – el dovria ses temp, declera Diana Bassin.
RR Co e cum 11:15