Siglir tar il cuntegn

Header

video
Cussegliaziun da medi gratuita tar in café
Or da Telesguard dals 11.05.2022.
laschar ir. Durada: 3 minutas 42 Secundas.
cuntegn

Café Med In agid tar dumondas medicinalas

Independent e gratuit – quai èn ils cussegls ch'ins survegn en il «Café Med». In'offerta per in e scadin che ha dumondas medicinalas.

Ozendi datti blera glieud, ch'è malsegira tar dumondas medicinalas sco «È quai il dretg tractament per mai?» «Dovrel jau propi tants medicaments?» u «Na giessi betg era senza operaziun?». La raschun per las malsegirtads: Talas dumondas èn era adina colliadas cun dumondas finanzialas.

Qua duai il «Café Med» gidar. In'offerta da la «Academia per ina medischina umana», che vul ch'il carstgaun vegnia puspé mess pli fitg en il center tar dumondas medicinalas. Tar il «Café Med» prendan differentas persunas dal fatg pensiunadas temp durant in entir suentermezdi e stattan a disposiziun ad in e scadin, ch'ha dumondas medicinalas. A maun da quels discurs gratuits survegn la persuna cussegls – ch'èn professiunals e tuttina independents. E quai duai la fin finala gidar la persuna a far decisiuns che constattan propi per ella.

Telesguard 17:40

Artitgels legids il pli savens