Tar la polizia vegn fatg ina differenza tranter in lader che entra en la chasa cun agid d'utensils, sco per exempel in tirastruvas, u in lader che tira a niz portas avertas. Ils laders senza utensils agescha pli spontan, observescha nua che fanestras èn avertas ni cupitgadas ed è pli spert. Era ora da vehichels vegn engulà. Il pli grond sbagl che vegn fatg il pli savens è ch'ins ha emblidà da serrar la chasa u ch'ins lascha en l'auto bain visibel rauba da valur.
Serrar la chasa e l'auto duess esser ina rutina.
Ils tips da la polizia per vehichels èn ils suandants:
- serrar l'auto cun la clav
- serrar las fanestras dal tut
- betg laschar bain visibel rauba da valur en l'auto
- serrar trottinets via da objects ferms
- serrar il velo
Per il dachasa:
- serrar il dachasa adina, era sch'ins è a chasa
- publitgar fotografias da vacanzas pir suenter il return
- tar in suspect da laders, telefonar al 117
- betg laschar pachets en l'entrada da la chasa
Per la polizia è cler, l'occasiun fa l'acziun. Sch'il lader ha ina pussaivladad lura nizzegia el ella. Impurtant da savair è che dat adina ed en tut il chantun infracziuns. Durant tut l'onn e da di sco era da notg. Ch'ils culpaivels tutgan adina tar la medema gruppa sociala, na possia ins betg dir. Ils laders n'èn simplamain quels cun problems da drogas u esters.
