La Partida evangelica dal Grischun sa participescha per l'emprima giada a las elecziuns per il Cussegl naziunal da quest october. La partida ha inoltrà ina glista cun tschintg persunas.
| PEV Grischun |
| Christian Thomann, Tavau |
| Leona Eckert, Igis |
| Esther Marmet, Tavau |
| Luca Francesco Bäni, Landquart |
| Yannik Wicki, Laax |
La Partida evangelica svizra vul esser da la partida quest onn en 18 chantuns cun in'atgna glista. Sco il president da la partida en Grischun e candidat Christian Thomann ha declerà, vulan els porscher a las electuras ed als electurs ina buna alternativa cun valurs cristianas.
Partida evangelica dal Grischun va suletta
La Partida evangelica è stada en discurs cun pliras autras partidas grischunas, per evaluar la pussaivladad da colliar las glistas. Damai che la partida saja drizzada al center politic, na vulessia ella dentant betg s’orientar politicamain dretg u sanester. Sco la partida scriva, deploresch'ella ch’i na dat nagina colliaziun dal center.