Siglir tar il cuntegn

Header

video
PS Grischun vul ir cun ina glista a las elecziuns naziunalas per defender ils dus sezs en il Cussegl naziunal
Or da Telesguard dals 28.03.2023.
Maletg: PS laschar ir. Durada: 2 minutas 28 Secundas.
cuntegn

Candidaturas PS Grischun Defender ils sezs cun Pult e Preisig

La PS Grischun ha nominà sonda las candidatas ed ils candidats per las elecziuns naziunalas l'atun. Per ils tschintg plazs sin la glista èn sa mess a disposiziun sis persunas. En in'elecziun è vegnì tschernì il tschintgavel plaz da glista tranter ils deputads Lukas Bardill e Tobias Rettich. Elegì è vegnì Rettich.

audio
La PS vul defender ses dus sezs en il Cussegl naziunal
ord Actualitad dals 28.03.2023.
laschar ir. Durada: 2 minutas 46 Secundas.
Glista PS Juso glista 1 Juso glista 2
Jon Pult, Cuira Anna Bleuler, Masagn Ioanna Bachmann, Braggio
Franziska Preisig, Samedan Andrin Bluvol, Tavau Maurus Müller, Domat
Renate Rutishauser, Tumegl Naomi Deplazes, Cuira Rosalina Müller, Favugn
Michal Hohl, Surselva Mattia Pianta, Campocologno Giulio Spano, Cuira
Tobias Rettich, Vaz Sut Pascal Pajic, Cuira Lukas Bleuler, Masagn

Per l'emprim plaz metta la partida si Jon Pult e sin il segund plaz Franziska Preisig.

audio
Per Jon Pult è la finamira da cuntanscher uschè bleras vuschs sco pussaivel per la partida
ord RTR Audio dals 28.03.2023.
laschar ir. Durada: 24 Secundas.
audio
Franziska Preisig è pronta per il proxim pass en la politica
ord RTR Audio dals 28.03.2023.
laschar ir. Durada: 18 Secundas.

Medema tactica sco avant quatter onns

La finamira dals socialdemocrats saja da defender omadus sezs a Berna, ha il president da la partida grischuna, Andri Perl, ditg envers RTR. Pia quel da Jon Pult, sco er quel da Sandra Locher Benguerel che na candidescha betg per in'ulteriura perioda d'uffizi.

Il recept da success duess esser il medem sco avant quatter onns. Ina ferma glista duess purtar il success a la PS. Els hajan bain ponderà dad ir en la cursa cun duas glistas, ma els veglian fidar a la tactica che haja gia funcziunà avant quatter onns, declera Andri Perl. Funcziunar da defender omadus sezs, duessia era grazia ad ina colliaziun da glistas cun l'allianza dal clima. Cun ils Verds guardi ora bain e cun ils Verdliberals sajan els anc en discussiun, ha il president da partida ditg.

Sche la Partida socialdemocratica trametta insatgi en la cursa per in sez en il Cussegl dals chantuns è anc avert.

RTR novitads 12:00

Artitgels legids il pli savens