Siglir tar il cuntegn

Header

cuntegn

Cannabis culinaric Cannabis per la cuschina

L'industria da cannabis innovativa producescha biera, savun, pasta, snacks, té e dultscharias: tut fatg cun cannabis.

Il cannabis da la Alpenpionier SA n'è betg ina droga. Ma ina mangiativa. L'interpresa da Tschiertschen producescha «nuschs» da chonv - il graun dal cannabis. Quel na cuntegna nagin THC e vegn declerà sco victualia biologica. Emanuel Schütt da Maiavilla ha 40 onns: El è il bab dal project. Ensemen cun il team dad Alpenpionier e 12 purs da bio en tut il Grischun ha el lantschà il project il 2017. Al cumenzament cun 8 hectaras. Oz èn quai 50 hectaras - 80 plazzas da ballapè. Mintga hectara porta fin duas tonnas graun da cannabis per stagiun, racolta è l'avust ed il settember. Il graun da Cannabis cuntegna bler protein, ina buna alternativa al soja. Il graun da cannabis cuntegna er ieli. Sper l'ieli producescha la Alpenpionier SA ina vasta paletta da products: Pasta, snacks, savun, biera, té etc.

Part dal team dad Alpenpioniere è era Rebecca Clopath: La cuschiniera e pura da bio da Schons. Ensemen cun Alpenpioniere ha ella dafatta edì in cudesch da recepts: «Hanf: Rezepte und Geschichten».

Ord l'archiv

Video
Racolta da chonv per la producziun d’ieli
Or da Telesguard dals 30.09.2019.
laschar ir

RTR actualitad 08:00

Artitgels legì il pli savens

Nach links scrollen Nach rechts scrollen