Duas novas fatschas datti en il parlament da la citad da Cuira. Quai scriva la citad en ina communicaziun. Giulia Casale da la Partida socialdemocratica surpiglia il sez da Xenia Bischof – ch’è sa retratga la fin da l’onn passà.
Era sa retratg è Urs Rettich da la Partida populara svizra. Ses post surpiglia Hanueli Salis. Tenor la lescha surpiglian il post tar ina demissiun ils candidats da la medema partida ch'han gì las pli bleras vusch tar la davosa votaziun.