Castiel - Seniora grev blessada suenter collisiun cun mir

Oz da mezdi è ina automobilista collidada frontal cun in mir sin la via d'Arosa da manaivel da Castiel. Tenor la polizia saja la dunna da 75 onns vegnida blessada grevamain. La Rega ha sgulà ella en l'ospital chantunal a Cuira. Ses auto è vegnì donnegià dal tut. Daco che la dunna è collidada cun il mir n'è anc betg sclerì dal tut.