Siglir tar il cuntegn

Header

video
Catastrofa en il Spöl: Chantun paja 600'000 francs
Or da Telesguard dals 18.10.2017.
laschar ir. Durada: 2 minutas 26 Secundas.
cuntegn

Grischun Catastrofa en il Spöl: Tgi paja?

Il mument vegn evaluà co sanar il Spöl – il flum en l'Engiadina Bassa ch'era vegnì contaminà cun PCB. Pli gronds quitads fa dentant la dumonda, tgi che paja l'entira sanaziun e sch'i dat ulteriurs flums contaminads.

Per evaluar las pussaivladads co sanar il Spöl ha il Cussegl grond deliberà in credit supplementar da 600’000 francs. Ils resultats avessan dad esser sin maisa l'enviern.

Sto il pajataglia star botta?

Plirs deputads fan quitads davart la dumonda, tgi che paja la sanaziun dal Spöl. Actualmain quinta il chantun cun custs da 5.5 milluns francs – quai è dentant be ina stimaziun.

I na po betg esser ch'ils pajataglia ston pajar quai.
Autur: Jon Pult Deputä PS

Sper Jon Pult (PS) han era Ueli Bleiker (PBD) e Hans Geisseler (PCD) exprimì lur tema ch'il maun public stoppia la finala star botta per ils custs da sanaziunIl cas è tar la procura publica

Il cusseglier guvernativ Martin Jäger ha chapientscha per questas temas, fa dentant attent che la procura publica saja vi da far inquisiziuns, tgi che saja responsabel per la catastrofa.

Quel che ha chaschunà la catastrofa sto era pajar.
Autur: Martin Jäger Cusseglier guvernativ PS

Tge è PCB?

Avrir la box Serrar la box

PCB è in chlorid organic che vegniva duvrà sco isolaziun en condensaturs, transfurmaturs, ieli idraulic, colurs ni collas.Tenor l’uffizi federal per sanadad, tutga PCB tar las substanzas nuschaivlas persistentas. La Svizra è s'obligada d'identifitgar nua che PCB vegn avant ed eliminar quest. L'onn 1986 hai dà in scumond general per PCB.

Il chantun saja en contact cun las Ovras electricas Engiadina e cun la firma da bajegiar che ha exequì las lavurs vid il mir da fermada da Punt dal Gall.

Mesiraziuns da PCB en ulteriurs 27 flums

Il november vegn fatg mesiraziuns en ulteriurs 27 lieus en il Grischun. Martin Jäger vul uschia sclerir sche la catastrofa dal Spöl è in cas unic u sche ulteriurs flums pudessan esser contaminads cun PCB. Las mesiraziuns fa il chantun durant il november, cura ch'il livel dals flums è bass. Cun resultats dastg'ins quintar l'enviern.

RR novitads 10:00

Artitgels legids il pli savens