Il nov center da Scola auta spezialisada dal Grischun è in pass pli lunsch. Il chantun ha inoltrà la dumonda da construcziun per l'edifizi da 151 milliuns francs che duai vegnir stgaffì a la Pulvermühle a Cuira. Quai in onn suenter ch'il pievel aveva approvà il project a l'urna. Sco quai ch'il chantun communitgescha fetschian ins quint cun la lubientscha da la citad en il decurs da la stad. L'atun duain lura cumenzar las lavurs da construcziun e sche tut va tenor plan duai il center esser pront il 2028.
-
Bild 1 von 4. Campus da la Scola auta spezialisada dal Grischun en la Pulvermühlestrasse a Cuira. Bildquelle: Uffizi da construcziun auta.
-
Bild 2 von 4. Cun lenn e betun – il foyer da l'edifizi. Bildquelle: Uffizi da construcziun auta.
-
Bild 3 von 4. Bildquelle: Uffizi da construcziun auta.
-
Bild 4 von 4. Bildquelle: Uffizi da construcziun auta.
Campus per 178 milliuns francs
Il mars 2023 aveva il suveran grischun ditg cleramain Gea al project per in nov campus da la Scola auta spezialisada dal Grischun. Quest project cumpiglia in credit d'impegn da 151 milliuns francs. Ils custs totals dal project èn enturn 178 milliuns francs. Il center duai porscher plaz per 2000 studentas e students e 300 collavuraturas e collavuraturs. Oz è la scola auta en nov edifizis en tschintg differents lieus en la citad da Cuira. Il nov campus duai unir ils lieus.
Or da l'archiv