Siglir tar il cuntegn

Header

audio
Actualmain regna ina situaziun fitg intscherta
Or da Actualitad dals 11.01.2022.
laschar ir. Durada: 3 minutas 24 Secundas.
cuntegn

Champs d’enviern per uffants Ina situaziun fitg intscherta per las chasas da champs

Ina situaziun fitg intscherta. Uschia pon ins resumar la situaziun actuala per las chasa da champs per uffants. Ina classa vegn, in'autra annullescha gia in mais ordavant ed in'autra annullescha pir in’emna avant che vegnir.

Decisiun tar ils chantuns e las scolas

Damai ch'ì è surlaschà als chantuns e las scolas sezzas sch'els lubeschan da laschar ir ils uffants en champs u betg, saja l'organisaziun ina gronda sfida. Quai tenor manadras e manaders da chasas da champs davent da la Surselva, Lumnezia, Arosa, Lai enfin l'entira Engiadina.

Raschuns per las annullaziuns

In quart fin la mesadad da las scolas annulleschia ils champs, dian las manadras ed ils manaders da chasa da champs. Las raschuns èn tranter auter la regla da 2G en las chasas da champs. Insaquantas scolas n'hajan betg avunda scolastas e scolasts ch’èn vaccinads u guarids. Autras scolas hajan memia bler respect pervia dals bler cas e puspè autras dian ch’ellas na fetschian betg in champ sch’ils uffants davent da 12 onns ston purtar ina mascrina en la chasa.

 Consequenzas finanzialas

Las consequenzas finanzialas èn da chasa da champs tar chasa da champs differentas. Intginas han dumandà per lavur curta tar il chantun per il persunal da cuschina u persunas che schubregian. Pli pitschnas chasas han gia cumprà il mangiar per las proximas emnas e han gia dà ora quels daners.

Almain pajan las scolas taxas sch’els storneschan. Ma quai è schon bler damain che sche la gruppa fiss qua.
Autur: Jasmin Deragisch manadra dal Pradotel a Curvalda

Il giavisch

Las manadras ed ils manaders giavischan dapli segirtad per planisar. Inquals dian ch’ellas ed els giavischan che las medemas reglas valan per tut ils chantuns. E betg ch’in chantun laschà far champs ed in auter betg.

Fiss bel sch’il Cussegl federal schess: Il schaner na va nagin en in champ ed il favrer van las scolas puspè a far champs.
Autur: Erica Wilsher-Vinzens manadra da la chasa Mirella a Breil

RTR actualitad 11:00

Artitgels legids il pli savens