Legenda:
La Viafier retica recumpensescha persunas che dattan giu lur permiss d'ir cun auto.
RTR, G. Hosang
cuntegn
Chantun - 200 francs per midar da l'auto sin il tren
Automobilists che deponan voluntariamain lur permiss dad ir cun auto survegnan in sustegn per midar tar sin il traffic public. Quai en il rom da l'acziun da la Viafier retica e las Viafiers federalas svizras.
Ina reducziun da fin a 200.- francs datti per cumprar in abunament general, e fin a 150 francs per in abunament general grischun, il "BÜGA". Quai communitgescha la Viafier retica.
Ina tal'offerta han las Viafiers federalas svizras (SBB) gia introducì en 17 chantuns, ensemen cun lur partenaris dal traffic public. E l'offerta na sa drizzia betg mo a persunas che deponan lur permiss dad ir cun auto pervi da la vegliadetgna, mabain era a manischunzs d'auto giuvens, appellescha la Viafier retica.
