-
Bild 1 von 20Legenda: Diversas vias a Cuira han stuì vegnir serradas pervia da plantas derschidas. MAD, Citad da Cuira
-
Bild 2 von 20Legenda: I ha dà donns da material. MAD, Citad da Cuira
-
Bild 3 von 20Legenda: Las plantas a Cuira han patì la naiv. MAD, Citad da Cuira
-
Bild 4 von 20Legenda: Ils pitschens han gust da l'emprima naiv da la stagiun. MAD
-
Bild 5 von 20Legenda: Temperaturas pli fraidas e naiv fan plaschair als chauns. MAD
-
Bild 6 von 20Legenda: A Savognin ha il criec stuì far ora las vias. RTR, Federico Belotti
-
Bild 7 von 20Legenda: Er il Grischun Central è sut ina cuverta alva. RTR; Federico Belotti
-
Bild 8 von 20Legenda: Automobilists han l'emprima giada quest'enviern gì da manischar l'auto tras la naiv. MAD
-
Bild 9 von 20Legenda: Er a Glion è la naiv sa tschentada. MAD
-
Bild 10 von 20Legenda: Tgi ch'ha stuì marvegl ord chasa ha l'emprim stuì deliberar l'auto da la cuverta da naiv. MAD
-
Bild 11 von 20Legenda: Ina u l'autra planta ha stuì ceder sut la cuverta da naiv bletscha. RTR, Valentin Schmed
-
Bild 12 von 20Legenda: A l'ur da las vias da Curia hai roma rutta giu da las plantas. RTR, Yvonne Simmen
-
Bild 13 von 20Legenda: Ils responsabels han a Cuira stuì serrar tscherts passapes pervia dalla roma crudada. RTR, Yvonne Simmen
-
Bild 14 von 20Legenda: La naiv bletscha ha donnegià massa plantas en la citad da Cuira. RTR, Yvonne Simmen
-
Bild 15 von 20Legenda: Atmosfera sco da Nadal a Scuol. MAD
-
Bild 16 von 20Legenda: A Sumvitg è l'enviern vegnì avant che las mobiglias da curtin èn stadas en tschaler. MAD
-
Bild 17 von 20Legenda: Er la chapitala Cuira è curclada cun naiv la dumengia. RTR
-
Bild 18 von 20Legenda: La naiv ha enzuglià las plantas en in vestgì alv. RTR, Selina Chistell
-
Bild 19 von 20Legenda: A Falera han ins mesirà enfin 40 centimeters naiv. RTR, Selina Chistell
-
Bild 20 von 20Legenda: Er las vias da Mustér èn stadas curcladas cun naiv. RTR, Linus Livers
Las cundiziuns invernalas hajan surdumandà divers ch’eran en viadi la fin d’emna, scriva la Polizia chantunala en sia communicaziun. En tut saja ella vegnida clamada a 36 accidents en tut il chantun – uschia per exempel ad in accident sin la via ennavada en la val d’Avras.
Accident en val d'Avras
Là era in automobilist (22) glischnà sin l’auter vial da la via e collidà cun in auto ch’era vegnì encunter. Trais persunas sajan vegnidas feridas levamain e perquai vegnidas purtadas cun l’ambulanza en l’ospital da Tusaun. L’automobilist saja stà alcoholisà, il test correspundent positiv, scriva la polizia.
Para nagins accidents pli grevs
Malgrà tants accidents, na pari betg dad avair dà accidents pli grevs. La polizia scriva nagut da ferids grevamain u perfin mortalmain.
Intgins dals automobilists sajan anc stads en viadi cun pneus da stad. Ils servetschs da rumir vias hajan gì da far ils mauns plains dad ir cun la naiv e la massa da bostgs crudads. Otg vias da pass hajan stuì vegnir serradas temporarmain.
Situaziun sin via
- La situaziun tar ils pass: Il Flüela, l'Alvra (da Bravuogn fin a La Punt Chamues-ch), il San Bernardino, il Spleia ed il Lucmagn restan serrads. Ils pass Bernina, Malögia e Güglia èn cuverts cun naiv.
- Naiv hai er sin las vias en l'Engiadin'Ota, sur il pass dal Fuorn, da Tusaun fin a Mulegns ed en Surselva en Val Tujetsch e Val Medel.
- Tranter Tschamut-Selva ed Andermatt-Ursera na datti il mument nagin traffic public, perquai ch'i naiva ferm. Fin cura ch'il disturbi dura n'è betg enconuschent.
- Uschiglio circuleschan ils trens da la Viafier retica VR puspè tenor urari.
La polizia da Cuira è stada en acziun l'entira notg
Er la polizia da la citad da Cuira ha gì bler da far pervi da la naiv. Igl haja adina puspè dà impediments per il traffic pervi da roms ruts giu e plantas cupitgadas, scriva la polizia en ina communicaziun.
Per motivs da segirezza haja ella stuì serrar pliras vias per in tschert temp, uschia la polizia. Plirs vehichels ed edifizis sajan vegnids donnegiads. Persunas blessadas n'haja però betg dà.
Nua hai dà quanta naiv?
- Arosa 72 cm
- Val 68 cm
- Mustér 55 cm
- Tavau 42 cm
- Bivio 41 cm
- Cuira 10 cm
RR novitads 06:00+