Legenda:
Il deputà Paolo Papa ha inoltrà l'incumbensa per prolungar la chatscha.
RTR, M.Decurtins
cuntegn
Chantun - 4 dis chatscha dapli
La chatscha auta grischuna duai vegnir prolungada per 4 dis durant l’october. Questa midada duai ir en vigur gia a partir dal 2017.
Il Cussegl Grond ha approvà cun gronda maioritad ina proposta dal deputà burgais-democrat Paolo Papa.
Papa vul che la regenza presentia in messadi per midar ils temps da chatscha entaifer in onn. La regenza vuleva reveder la lescha da chatscha pir suenter che la procedura da l’iniziativa da chatscha è terminada e suenter ch’il Cussegl grond ha tractà l’iniziativa “per ina chatscha etica che sa cumporta cun la natira”.
