Chantun - 563 atlets cun impediments spirtals als gieus olimpics a Cuira

Persunas cun in impediment psichic sa mesiran en las disciplinas ski alpin, passlung, snowboard, curling ed unihockey. Las disciplinas sin naiv èn en il territori da skis da Brambrüesch, ils gieus d’unihockey en la halla da la scola professiunala.

Tar las differentas occurrenzas è la finamira che tut ils participants han las medemas schanzas da gudagnar ina medaglia. Perquai datti l’entschatta cursas e gieus che servan als organisaturs da pudair metter ils atlets en categorias cun tuttina ferms atlets. La differenza da fermezza na duai betg esser pli gronda che 15%.