Pervi da la bell'aura èn blers töffists stads da viadi questa fin d'emna. La finala hai dà plirs accidents sin vias grischunas. Sco quai che la Polizia chantunala ha communitgà, hai dentant dà be pitschnas blessuras tar ils töffists ed intgins donns tar ils töfs. Ils accidents èn capitads a Domat, sin l’autostrada A13 tar Maiavilla e sin ils pass dal Wolfgang, da l’Alvra, dal Flüela e dal Bernina.
